Þegar búið er að virkja BOX tengingu þá er hægt að setja upp BOX drive forritið. Þjónustuver Manor aðstoðar við uppsetningu á BOX drive og ef þú ert ekki með tengingu virka þá þarftu að hafa samband við þjónustuver svo hægt sé að setja upp BOX aðgang fyrir þig.


Ef þú ert hins vegar með BOX upp sett þá eru skrefin þessi:


  1. Sækja BOX Drive forritið
    1. Farið á vefsvæði Box Drive með því að smella hér.
    2. Veljið PC eða Mac.
    3. Þá hefst niðurhal á litlu forriti.
    4. Samþykkið niðurhalið.
    5. Keyrið svo skrána á tölvunni.
    6. Fylgið skrefum í uppsetningu.

      Mögulegar villur:

      Ef þú færð villu á skjáinn um að þú hafir ekki réttindi til þess að setja upp Box þá þarftu að hafa samband við þann sem sér um tölvukerfið.

      Ef þú færð villu um rangan örgjörva þá þarftu að sækja, 32 bita útgáfu en ekki 64 bita útgáfu hjá Box.

  2. Sækja BOX netfangið
    Til þess að sjá hvaða notendanafn þú ert með hjá BOX þarf að fara inn í Manor, velja þar nafnið þitt efst til vinstri. Þegar þangað er komið má sjá svæðið "Box". Hér er smellt á hnappin Tengjast.


  3. Þá kemur þessi gluggi upp og hér má sjá netfangið sem þú notar við innskráningu hjá BOX.


  4. Opna Box Drive
    Þegar þú ert komin með notandanafnið á hreint má opna Box Drive í tölvunni. Box finnur þú í verkfærastiku neðst til hægri í windows eða efst í verkfærastiku í Mac.



  5. Skrá sig inn með BOX notandanafninu
    Í reitinn Email Address skal setja BOX notandanafnið sem þú sóttir í skrefi 1. Því næst skal smella á hnappinn "Next".

    ATH: Hér á ekki að skrá hefðbundið netfang heldur BOX notendanafnið. Sjá skref 2.



  6. Staðfesta innskráninguna með því að skrá sig inn
    Hér er komið að því að virkja tenginguna við Manor. Þá notar þú sama netfang og lykilorð og þú notar til þess að tengjast Manor. Því næst er smellt á hnappinn "Virkja Box tengingu"

    Mjög mikilvægt er að nota hér rétt netfang og lykilorð - það sama og þú notar til þess að tengjast Manor en ekki notendanafnið úr skrefinu hér á undan




  7. Allt klárt
    Þá er innskráningu í Box Drive lokið og allt klárt.



Hvar finn ég gögnin?


Til þess að opna Box drive, smelltu þá á Windows merkið í neðra vinstra horni (eða windows hnappinn á lyklaborðinu) og skrifaðu "Box".




Einnig má fara í "Box" í vinstri kanti hvaðan sem er þegar skjöl eru skoðuð eða vistuð.



Öll gögn sem geymd eru í Manor skjalavistun eru afrituð með margvíslegum hætti innan netþjóna Manor.


Er hægt að taka eigin afrit?

Já það er hægt. Við mælum ekki með því að afrit séu tekin á vinnustöð, flakkara, minniskort eða aðra sambærilega staði þar sem öryggis er þar verulega ábótavant. En ef notendur hafa öruggar leiðir til þess að varðveita gögnin þá geta þeir tekið sin eigin afrit með einföldum hætti. Fyrst þarf að setja upp Box drive og svo er hægt að afrita gögn möppunnar á aðra geymslustaði.


Tengingin mín við BOX virðist hafa rofnað, hvernig tengist ég aftur?

Það getur gerst að tenging við box rennur út, til dæmis ef hún er ekki notuð lengi. Þá þarf að endurvekja tenginguna. Það er afar einfalt og er best að fylgja þessum skrefum.


  1. Fara í tengingar
    Til þess að sjá hvaða notendanafn þú ert með hjá Box þarf að fara inn í Manor, velja þar nafnið þitt efst til vinstri. Þegar þangað er komið má sjá svæðið "Box". Hér er smellt á hnappin Tengjast.


  2. Þá kemur þessi gluggi upp, og aftur smellt á Tengjast.



  3. Því næst kemur upp viðmót þar sem þú skráir inn BOX netfangið þitt. Það er ekki hefðbundið netfang þitt heldur netfang sem Manor úthlutar í þessum tilgangi. Netfangið er forútfyllt af Manor og aðeins þarf að smella á hnappinn Authorize.



  4. Því næst þarf að staðfesta að Manor notandinn þinn megi sjá BOX gögnin. Smellt er á Grant access to BOX.


  5. Nú er BOX tengingin orðin virk.