Það er einfalt að stofna verkefni í Manor. Verkefni er eitthvað sem þarf að klára. Það þarf ekki að vera tímasett þó það sé hægt. Til þess að stofna verkefni er farið í bláa Stofna hnappinn efst til hægri í Manor.
Þá birtist viðmót til þess að skrá inn upplýsingar um atburðinn. Aðeins er nauðsynlegt að skrá það sem er * rauðmerkt með stjörnu.
Það sem hægt er að skrá um verkefni er eftirfarandi.
* Nafn verkefnis
- Gott er að gefa verkefninu lýsandi nafn svo það sé augljóst hvað þurfi að gera við að sjá verkefnið í verkefnalista.
Mál
- Hægt er að hengja verkefnið á tiltekið mál en það er þó ekki nauðsynlegt.
* Útlhlutað til
- Sjálfgefið er að þú vinnir verkefnið og það sé því úthlutað þér. Það er hins vegar einfalt að úthluta verkefninu á einhvern samstarfsmann ef hann á að bera ábyrgð á því.
Dagsetning
- Ef verkefninu á að vera lokið á tilteknum degi þá má setja dagsetningu. Verkefni með dagsetningu fá sérstaka athygli þegar dagsetningin nálgast með sérstökum merkinum um að verkefni sé á dagskrá á morgun eða í dag. Einnig má sleppa dagsetningu og er verkefnið þá ótímasett.
Tímasetning
- Verkefni sem er dagsett getur einnig verið tímasett. Það er þægilegt að tímasetja verkefni ef það á við til dæmis ef skila þarf greinargerð fyrir kl 10 á tilteknum degi. Tímasetning opnar einnig möguleika á að fá nákvæmar áminningar.
Fyrri áminning
- Manor getur sent þér áminningu um verkefni á þeim tíma sem þú kýst, hvort sem það er 1 klst fyrir tímasetningu eða mörgum klst fyrr.
Seinni áminning
- Sama og fyrri áminning nema önnur ef vill.
Lýsing
- Lýsing verkefnis er gagnleg og þá sérstaklega ef verið er að úthluta verkefni til annarra.
Lokið
- Þegar og ef verkefni er lokið er gott að haka við Lokið.
Þegar búið er að skrá inn allar upplýsingar er smellt á Vista verkefni.